රොබෝ යන්ත්‍ර සූත්‍ර පමණක් නොව, මිනිසුන් සහ පෙනුමෙන් සමාන, පරිගණක හරහා සහ කෘතිම බුද්ධි පරිගණක වැඩසටහන් හරහා පණ ගැන්වුණු නොයෙක් නොයෙක් හරි අපූරු කාර්යයන් කළ හැකි රොබෝලා අපට අරුමයක් නොවේ. කෙසේ නමුත් එම කටයුතු මේ වනවිට සිදු වෙයි. අතීතයේ පටන් සිදුවුණු රොබෝ පරිණාමය අනාගතයේ දිනෙක තව තවත් දියුණු වෙනවා පමණක් නොව, මිනිස් අභිභවා යෑමට ද සමත් වෙනවා නිසැකය. අද රොබෝ යන්ත්‍ර සූත්‍ර බොහෝ කර්මාන්තශාලාවල සේවකයන් ලෙස කටයුතු කරයි. සියුම් සැත්කම් කරනු ලබන්නේද රෝමවරුන් විසිනි. තනි නොතනියට ගැහැණු රොබෝවරුන් පවා නිර්මාණය වෙයි. ලොව මෙතෙක් නිර්මාණය වී ඇති රොබෝ යන්ත්‍ර සහ රොබෝවරුන් අතරින් වඩාත් කැපී පෙනෙන සුවිශේෂි රොබෝවරුන් මෙම සටහනට ඇතුළත් ය.
මයිලෝ
මයිලෝ මානවරූපී රොබෝ පොඩ්ඩෙකි. මයිලෝ නිපදවා ඇත්තේ ඇමෙරිකාවේ රොබෝකයිඩ් රොබෝ නිර්මාණකරුවන්ය. මයිලෝ නිපදවා ඇත්තේ ඔටිසම් රෝගී දරුවන්ට පිහිට වීම සදහාය.
පෙපර්
2014 වසරේදී හදුන්වා දෙනු ලැබූ පෙපර් නමැති මානවරූපී රොබෝ ලොවකා අතරේත් ජනප්‍රිය විය. මිනිසුන්ගේ හැඟීම් අවබෝධ කර ගනිමින් ඒවාට සාර්ථකව ප්‍රතිචාර දැක්වීමට සමත් ලොව පළමු රොබෝ ලෙස පෙපර් සැලකෙයි.
හොන්ඩා ඇසිමෝව්
රොබෝවරුන් සහ රොබෝ සංකල්පය ලොවට දායාද කළ විද්‍යාඥයා අයිසැක් ඇසිමෝව්ට ගරු කරමින් ජපානයේ හොන්ඩා සමාගම නිර්මාණය කළ " ඇසිමෝව් " මානවරූපී රොබෝවරුන් අනෙක් සියලුම රොබෝවරුන් අභිභවා යයි. මොවුන් මානවරූපීය. එයින් අදහස් වන්නේ මිනිසාට බෙහෙවින් සමානයි යන්නය. හොන්ඩා විද්‍යාඥයන් සහ තාක්ෂණවේදීන් ඇසිමෝව් රොබෝ නිර්මාණය ආරම්භ කළේ රොබෝගේ දෙපාවලිනි. ආරම්භයේදී දෙපා පමණක් නිර්මාණය විය. තාක්ෂණයේ දියුණුවත් සමග ඇසිමෝව් සෙමින් පරිමාණයට ලක්විය. සිරුර පෙට්ටියක හැඩයකින් නිර්මාණය විය. අද වනවිට සැබෑ මනුෂ්‍යයකු මෙන් පෙනුමක් ඇසිමෝව්ට ලැබි ඇත. ලොව දැනට සිටින සාර්ථකම මිනිස් රොබෝ ඇසිමෝව්ය.
එක්සෝ ජිටී
වෛද්‍ය ක්ෂේත්‍රයට එසේත් නැත්නම් විවිධ අපහසුතා ඇති රෝගීන්ට රොබෝ මෙවලම් වලින් සිදුකෙරෙන සේවය සුළුපටු නොවෙයි. ආබාධිත පුද්ගලයන්, හමුදා සොල්දාදුවන් සහ විවිධ ආබාධ සහ රෝගී තත්ත්වයන් නිසා සිරුර අප්‍රාණික වුණු පුද්ගලයන් සදහා සැකැසු පරිගණක ඇසුරින් ක්‍රියාකරන බාහිර සැකිලි ආධාරක කැපී පෙනෙයි.
ස්පොට්
ස්පොට් යනු යන බල්ලෙකුට හා සමාන බල්ලෙකුගේ ඉරියව් පෙන්නුම් කරන රොබෝවෙකි.
ඔවුන්ගෙන් ගන්නා වැඩ
රොබෝවරුන් නොයෙක් නොයෙක් කාර්යයන් සදහා මිනිස් අපට සහාය දෙති. බෝම්බ නිශ්ක්‍රීය කටයුතු සදහා රොබෝ යන්ත්‍ර භාවිත කෙරේ. රූපවාහිනී තිරයක් සහ කැමරාවකින් සමන්විත මෙම රොබෝ යන්ත්‍ර දුරස්ථ පාලනයෙන් ක්‍රියාත්මක වෙයි.
ජිබෝ
මෝලි
කෑම පිසීමට හපනෙකු ලෙස මොලි නැමැති රෝගෝ හදුන්වා දිය හැකිය. මෝලි මුළුතැන්ගෙයට සවි කෙරේ. මොලිට ඇත්තේ එක් අතකි. මොලි ඉයුම්පිසුම් වැඩ කරන්නේ ඉතා කඩිසරවය. නොදන්නා කෑමක් කෑමට ප්‍රිය කරනවා නම්, කළ යුත්තේ අවශ්‍ය දේවල් මෝලි ඉදිරියෙන් තබා, මූලික අවශ්‍ය උපදෙස් ලබාදීම පමණි. සියල්ල මොලිගේ අතින් සිදුවෙයි. අනාගතයේ මෝලි වගේ රොබෝවරුන් මුළුතැන්ගෙට රිංගද්දි, සූපවේදීන්ගේ රැකියා අනතුරේ වැටෙනවා නොඅනුමානය. මෝලි රොබෝගේ මිල පවුම් 50,000 ක් යැයි පැවැසෙයි.
විද්‍යා ප්‍රබන්ධ
ලොව පළමුවෙන්ම මානවරූපී එසේත් නැත්නම් මිනිස් රොබෝවරුන් කරළියට පැමිණ ඇත්තේ විද්‍යා ප්‍රබන්ධ වේදිකා නාට්‍යයකිනි. එය චෙක් වේදිකා නාට්‍ය නිර්මාණකරු කරෙල් කැපෙක්ගේ නිර්මාණයකි. 'රොසුම්ස් යුනිවර්සර් රොබොට්ස්' යන නමින් නම් කළ මෙම වේදිකා නාට්‍යය 1921 දී වේදිකාගත විය. මෙම නාට්‍යය පාදක කරගනිමින්
' මෙට්‍රොපොලිස් ' යනුවෙන් කළුසුදු චිත්‍රපටියක් නිර්මාණය විය. ඒ 1926 දීය. එහි මරියා නැමැති රොබෝ යුවතියක ප්‍රධාන චරිතය නිරූපණය කරන්නීය. ජෝර්ජ් ලුකාස්ගේ ස්ටාර් වෝර්ස් චිත්‍රපටියේ ' සීත්‍රිපි ඕ' රොබෝ කිරීමට මරියා පාදක උණැයි පැවසෙයි. විද්‍යා ප්‍රබන්ධ කතා, චිත්‍රපට, රූපවාහිනීි කතා ඇසුරින් රොබෝවරුන් පමණක් නොව, අර්ධ රොබෝ අර්ධ මිනිස් යන්ත්‍ර පවා අපට දකින්න ලැබී ඇත. රොබොකොප් සහ ටර්මිනේටර් අර්ධ රොබෝ අර්ධ ' මිනිස් සයිබොග් 'වරුන්ය.
අයිසෙක් ඇසිමොව්
රොබෝවරුන් අනාගතයේ දිනෙක මිනිස් වර්ගයා අභිභවා යමින් ලෝකය ආක්‍රමණය කරාවි යැයි හෙතෙම විද්‍යා ප්‍රබන්ධ ලියුවේය. රොබෝවරු සම්බන්ධයෙන් නීතිරීති තුනක්ද හදුන්වා දුන්නේ ය.
රොබෝවරුන් කිසිම මනුෂ්‍යයෙකුට කිසිම ආකාරයක අනතුරක් නොකළ යුතුය සහ සෑම විටම අණ පිළිපැදිය යුතුය. පළමු නීති දෙක වෙයි. රොබෝවකු තමන්ගේ ආරක්ෂාව වෙනුවෙන් කටයුතු කළ යුතු නමුත් පළමු සහ දෙවැනි නීතිය කැඩීම නොකළ යුතුයි යන්න තෙවැනි නීතියයි. මේ ගැන සඳහන් වන්නේ 'ඇසිමෝව්ගේ ' අයි රොබො ' කතාවෙනි. -
Hello, My name is Thamodh Rupasinghe.
No comments:
Post a Comment